أهلاً ومرحباً بك يا زائر   نورت المنتدى

 
الرئيسيةاليوميةس .و .جبحـثالتسجيلدخولقائمة الاعضاءالمجموعات
جميع المواضيع والمشاركات فى منتديات الشمس الذهبية لا تعبر بالضرورة عن رأى إدارتها بل تمثل وجهة نظر كاتبها
دخول
اسم العضو:
كلمة السر:
ادخلني بشكل آلي عند زيارتي مرة اخرى: 
:: لقد نسيت كلمة السر


عداد الزوار
أنت الزائر رقم
internet tracking statistics
الساعة والتاريخ
فى القاهرة الآن

الساعة ودرجة الحرارة

 فى القاهرة الآن

المواضيع الأخيرة
» لماذا لا تموتين يا امي ؟؟؟...............قصه مؤثره جدا
السبت يونيو 08, 2013 9:04 am من طرف N2A9A

» نكت جميلة و مميزة
الخميس يناير 10, 2013 2:34 pm من طرف N2A9A

» النذاللة نذالة
الثلاثاء يناير 08, 2013 4:29 pm من طرف N2A9A

» لتخسيس الوزن
الثلاثاء يناير 08, 2013 3:32 pm من طرف N2A9A

» الاناقة و الجمال
الثلاثاء يناير 08, 2013 10:36 am من طرف N2A9A

» الاناقة و الجمال
الثلاثاء يناير 08, 2013 10:34 am من طرف N2A9A

» نكت جديدة و جميلة
الثلاثاء يناير 08, 2013 10:02 am من طرف N2A9A

» تعريف بنفسي
الإثنين يناير 07, 2013 9:20 pm من طرف N2A9A

» اللعبة الرائعة ZUMA
الجمعة أكتوبر 26, 2012 4:52 pm من طرف الفراشة

» ارجو الترحيب
الثلاثاء أكتوبر 23, 2012 6:13 pm من طرف الفراشة

أفضل 10 أعضاء في هذا المنتدى
Dr Nabil
 
redanmsb
 
hsamy23
 
ntyrmc
 
aahhd
 
adelazzam
 
memo
 
mady
 
tota99
 
قلب مجروح نفسه يبوح
 


شاطر | 
 

 من اجمل أشعار عبد الرحمن الابنودى --الخاله يامنه

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
Dr Nabil
مالك و مؤسس موقع الشمس الذهبية
مالك و مؤسس موقع الشمس الذهبية


الجنس : ذكر

الدولة : مصر

مصر

العمل : طبيب أسنان

تاريخ التسجيل : 10/02/2009

عدد الرسائل : 307


مُساهمةموضوع: من اجمل أشعار عبد الرحمن الابنودى --الخاله يامنه   الأحد أبريل 05, 2009 8:31 pm

يـامنـــه !!


والله وشبت ياعبد الرحمن
عجزت ياواد ؟
مسرع ؟
ميتى وكيف ؟
عاد اللى يعجز
فى بلاده
غير اللى يعجز ضيف
هلكوك النسوان ؟
شفتك مره فى التلفزيون
ومره ورونى صورتك
فى الجورنان
قلت كبر عبد الرحمن !!
امال انا على كده مت
بقى لى ميت حول !!
والله خايفه ياولدى القعده تطول
مات الشيخ محمود
وماتت فاطنه اب قنديل
واتباع كرم اب غبان
وانا لسه حيه
وباين حاحيا كمان وكمان
عشت كتير
عشت لحد ماشفتك عجزت
ياعبد الرحمن
وقالولى قال خلفت
وانت عجوز خلفت ياخوى
وبنات ؟
امال كنت بتعمل ايه
طيلة العمر الفات ؟
دلوقت مافقت ؟
وجايبهم دلوك تعمل بيهم ايه ؟
على كل
اهى ريحه من ريحتك
ع الارض
يونسوا بعض
ماشى ياعبد الرحمن
اهو عشنا وطلنا منك
بصه وشمه
دلوك بس مافكرت فى يامنه
وقلت ياعمه
حبيبى انت ياعبد الرحمن
والله حبيبى وتتحب
على قد ماسارقاك الغربه
لكن ليك قلب
مش زى اولاد الكلب
اللى نسيونا زمان
حلوه مرتك وعيولاتك
والا شبهنا
سميتهم ايه
قالوا ايه ونور
ماعارفش تجبلك حتة واد
والا اقولك
يعنى اللى جبناهم
نفعونا فى الدنيا بايه
غيرشى الانسان مغرور
ولسه يامنه
حاتعيش وحاتلبس
لما جايبلى قطيفه وكستور
كنت اديتهمنى فلوس
اشترى للركبه دهان
ابا...ى
يامجلع قوى ياعبد الرحمن
طب دانا ليا ست سنين
مزروعه فى ضهر الباب
لم طلوا عليا احبا
ولا الاغراب
خليهم ينفعوا
اعملهم اكفان !!
كرمش وشى
فاكر يامنه
وفاكر الوش
اوعه تصدقها الدنيا
غش فى غش
اذا جاك الموت ياوليدى
موت على طول
اللى اتخطفوا
فضلوا احباب
صاحيين فى القلب
كان ماحدش غاب
واللى ماتوا
حته حته
ونشفوا حيين
حتى سلامو عليكو
مش بتعدى
من بره الاعتاب
اول مايجيك الموت
افتح
اول ماينادى عليك اجلح
انت الكسبان
اوعى تحسبه حساب
ولا واد ولا بت
ده زمن يوم مايصدق
كداب
سيبهاله بالحال والمال
وانفد
اوعى تبص وراك
الورث تراب
وحيطان الايام طين
وعيالك بيك
مش بيك عايشين
يوه .... يارمان
مشوار طولان
واللى يطوله عن يومه
ياحبيبى حمار
الدوا عاوزاه
لوجيعة الركبه
مش لطوالة العمر
اوعه تصدق الوانه
صفر وحمر
مش كنت جميله ياواد
مش كنت وكنت
وجدعه تخاف منى الرجال
لكن فين شفتونى
كنتوا عيال
بناتى ( رضيه ) "ونجيه "
وماتوا وراحوا
وانا اللى قعدت
طيب يازمان
اوعه تعيش يوم واحد
بعد عيالك
اوعى ياعبد الرحمن
فى الدنيا
وجع وهموم
اشكال والوان
الناس مابتعرفهاش
اوعرهم
لو حاتعيش بعد عيالك
ماتموت
ساعتها بس
حاتعرف
ايه هوه الموت
اول مايجيلك نط
لسة بتحكيلهم بحرى
حكاية فاطنه
وحراجى القط
اباى ماكنت شقى وعفريت
من دون
كل الولدات
كنت مخاوى براوى
وكنت مخبى فى عنيك السحراوى
تملى حاجات
زى الحدايه
تخوى ع الحاجه وتطير
من صغرك
بضوافرواعره
ومناقير
بس ماكنتش كداب
وادينى استنيت فى الدنيا
لما شعرك شاب
قدم البيت
اتهدت قبله بيوت
واصيل هوه
مستنينى لما انوت
حتيجى العيد الجاى
وحتشرب
مع يامنه الشاى
***
حاجىياعمه وجيت
لالقيت يامنه
ولا البيت

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
adelazzam
الرتبة
الرتبة


تاريخ الميلاد : 31/05/1963
العمر : 53

البرج : الجوزاء

تاريخ التسجيل : 12/04/2009

عدد الرسائل : 35


مُساهمةموضوع: رد: من اجمل أشعار عبد الرحمن الابنودى --الخاله يامنه   الجمعة أبريل 17, 2009 2:07 pm

موضوع جميل جدا تسلم ايدك

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
نداوى
الرتبة
الرتبة


تاريخ الميلاد : 17/01/1983
العمر : 33

البرج : الجدي

تاريخ التسجيل : 04/08/2009

عدد الرسائل : 12


مُساهمةموضوع: رد: من اجمل أشعار عبد الرحمن الابنودى --الخاله يامنه   الثلاثاء أغسطس 04, 2009 12:35 am

شكرا لك

تحياتى
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
mody22
الرتبة
الرتبة


تاريخ الميلاد : 26/02/1988
العمر : 28

البرج : السمك

تاريخ التسجيل : 05/08/2009

عدد الرسائل : 3


مُساهمةموضوع: رد: من اجمل أشعار عبد الرحمن الابنودى --الخاله يامنه   الأربعاء أغسطس 05, 2009 8:27 pm

الله عليك فعلا قمة فى الروعة الله لا يحرمنا جديدك

تقبل مرورى أخوك mody22
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
من اجمل أشعار عبد الرحمن الابنودى --الخاله يامنه
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات الشمس الذهبية  :: المنتدى الثقافى :: واحة الأدب والشعر-
انتقل الى: